Ułady Pakistana abviaścili ab rašeńni adnavić dostup da JUTuba paśla taho, jak handlar rybaj pakistanskaha pachodžańnia Muchamied Nazir staŭ internet-znakamitaściu dziakujučy pieśni «Ryba za funt» i zaklučyŭ kantrakt z Warner Brothers.

Pieśniu pra rybu Nazir impravizavaŭ dla pryciahnieńnia ludziej na rynku va Uschodnim Łondanie, dzie jon pracuje. Aryhinalny videarolik, na jakim handlar śpiavaje «Ryba za funt», byŭ vykładzieny na YouTube ŭ krasaviku i da śniežnia sabraŭ bolš 7 miljonaŭ prahladaŭ. Paśla taho jak pieśnia stała papularnaja, na Nazira vyjšła kampanija Warner Brothers. Na «Rybu za funt» źniali prafiesijny klip. Z momantu publikacyi 10 śniežnia jaho pahladzieli ŭžo bolš za 9 miljonaŭ razoŭ.

U vyniku Ahienctva telekamunikacyj Pakistana pahadziłasia razbłakavać YouTube u krainie.

250 čałaviek, u tym liku miascovyja palityki, sustrakali Nazira ŭ aeraporcie. Jaho, pavodle tradycyi Indastana, absypali pialostkami ruž i skandavali «Žyvie ryba za funt!». Telebačańnie Pakistana pierapyniła prahramu ab piataj hadavinie zabojstva byłoj prem'jer-ministarki Bienazir Bchutta, kab pakazać užyvuju viartańnie Nazira na baćkaŭščynu.

Dostup da YouTube u Pakistanie (a taksama ŭ Sudanie, Afhanistanie i Banhładeš) byŭ całkam začynieny ad žniŭnia za film «Cnatlivaść musulmanaŭ», krytyčny ŭ dačynieńni da isłama.

Varta adznačyć, što navinu ab adnaŭleńni dostupu da YouTube ministra unutranych spravaŭ Pakistana supravadziŭ paviedamleńniem pra toje, što kraina ŭščylnuju nablizilisia da stvareńnia sistemy filtracyi internet-kantentu, anałahičnaj prajekta «Załaty ščyt» Kitaja.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?