Kampanija «Trajpł» stała bujnym akcyjanieram AAT «Minski zavod pienistych vin» (MZPV). Ab hetym BiełaPAN paviedamiŭ pres-ataše MZPV Valancin Łopan.

U chodzie aŭkcyjonaŭ pa vykupu akcyj minarytarnych akcyjanieraŭ TAA «Trajpł» nabyło pakiet 110.889 akcyj MZPV na sumu bolš čym 19 młrd. rubloŭ, što składaje 12,5% akcyj AAT.

Usie vykuplenyja akcyja byli nabyty minarytaryjami padčas tak zvanaha «narodnaha IPO», jakoje pravodzilisia 2 maja — 15 červienia.

Pa jaho vynikach byli pradadzieny 164.704 akcyi MZPV. U vyniku 119 ździełak u ramkach «narodnaha IPO» realizoŭvalisia maksimalna mahčymyja pakiety — pa 999 akcyj AAT.

Jak patłumačyŭ pres-ataše MZPV, u adpaviednaści z zakanadaŭstvam u kampanii «Trajpł», jak u bujnoha akcyjaniera, jaki vałodaje bolš čym 10% akcyj, źjavilisia novyja pravy. Jana, u pryvatnaści, moža ŭpłyvać na farmiravańnie paradku dnia ahulnych schodaŭ AAT i ŭnosić svaje kandydatury ŭ skład naziralnaha savieta i revizijnaj kamisii. Akramia taho, bujnyja akcyjaniery pavinny zaprašacca na ŭsie pasiadžeńni ahulnaha savieta zakaznym listom z paviedamleńniem, tady jak astatnich infarmujuć praz hazietnyja abjavy.

Pavodle słoŭ Łopana, na MZPV «vielmi stanoŭča rasceńvajuć prychod na zavod stratehičnaha inviestara» ŭ asobie kampanii «Trajpł».

«Heta havoryć ab tym, što pakupniki akcyj pradpryjemstva padčas „narodnaha IPO“ nie prahadali. Čakajecca, što paśla źjaŭleńnia takoha stratehičnaha inviestara likvidnaść akcyj Minskaha zavoda pienistych vin na rynku ŭzraście», — adznačyŭ pres-ataše.

***

    TAA «Trajpł» było zasnavana ŭ 1992 hodzie jak firma pa aptovym handli pramysłovymi i charčovymi tavarami. Pavodle infarmacyi, raźmieščanaj na sajcie TAA, za 20 hadoŭ «Trajpł» vyras u šmatprofilnuju hrupu kampanij, jakaja siońnia aktyŭna pracuje ŭ nastupnych śfierach: budaŭnictva, rytejł, restaranny biźnies, raźvićcio sietki AZS, viełnies, vytvorčaść biezałkaholnych napojaŭ, budmateryjałaŭ, miasnych i kaŭbasnych vyrabaŭ, miascovy turyzm, mytnyja pasłuhi, farmaceŭtyčnaja vytvorčaść, sielskaja haspadarka, sacyjalnyja prajekty.

Hienieralny dyrektar TAA «Trajpł» Juryj Čyž u sakaviku 2012 hoda byŭ uniesieny ŭ śpis asob, da jakich prymianiajucca vizavyja i ekanamičnyja sankcyi Jeŭrasajuza. U ES jaho razhladajuć jak biźniesmiena, jaki «akazvaje finansavuju padtrymku režymu Łukašenki».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?