Minskaja milicyja adšukvaje piensijanierku, jakaja padazrajecca ŭ kradziažy bankaŭskich kartak i źniaćci ź ich hrošaj.

Jak paviedamili ŭ HUUS Minharvykankama, u vieraśni hetaha hoda ŭ Frunzienskim rajonie stalicy byli ŭčynienyja dva takija złačynstvy. U pieršym vypadku paciarpiełaja pakinuła biez dohladu kaśmietyčku ŭ paliklinicy pa praśpiekcie Puškina. Unutry lažaŭ kašalok z bankaŭskaj kartkaj i zapisanym pin-kodam da jaje.

A ŭžo praz hadzinu z bankaŭskaha rachunku z vykarystańniem hetaj kartki byli źniatyja hrašovyja srodki.

U druhim vypadku žančyna adpraŭlała karespandencyju na pošcie pa vulicy Maŭra i nie zaŭvažyła, jak z kišeni vykrali kašalok z bankaŭskaj kartkaj. Nieŭzabavie byli ŭčynienyja dźvie sproby źniać ź jaje hrošy, ale zrabić heta nie ŭdałosia z pryčyny adsutnaści ŭ złačyncy pin-koda.

Supracoŭniki kryminalnaha vyšuku ŭstanavili, što ŭ kožnym z nazvanych vypadkaŭ kartkami karystałasia adna i taja ž žančyna va ŭzroście 50–60 hadoŭ, jakaja prykryvała svaju źniešnaść chustkaj i akularami.
Jaje fota raźmieščana na sajcie HUUS Minharvykankama. Milicyja prosić minčan apaznać złačyncu.
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?