«Čakajučy pieramien, my budziem prymianiać sankcyi ŭ ramkach Akta ab demakratyi ŭ Biełarusi, jaki słužyć aporaj pradstaŭnikam biełaruskaj hramadzianskaj supolnaści», — zajaviŭ kanhresmien Krystafier Śmit u intervju «Hołasu Amieryki».

«Łukašenka zastajecca va ŭładzie dziakujučy tamu, što vykarystoŭvaje siłu i paŭsiudnaje nazirańnie za hramadzianami, — skazaŭ Śmit. — Jon mocna nahadvaje Nikałaje Čaušesku, čyja sakretnaja palicyja była dobra viadomaja svajoj efietyŭnaściu i žorstkaściu. Adnak, kali być sumlennym da kanca, to padobnyja dyktatury — źjava časovaja. Jany vianuć, razburajucca znutry, i ich źmianiajuć inšyja sistemy praŭleńnia. Ja nikoli nie bačyŭ dyktaturu, jakaja b isnavała viečna. Adny źnikajuć raniej, inšyja — paźniej».

Na dumku Śmita, kali Łukašenka chacieŭ by pakinuć paśla siabie niejkuju spadčynu, to jon «užo ciapier pavinien byŭ havaryć ab pierabudovie i hałosnaści, jak heta zrabiŭ Harbačoŭ».
«Heta nikoli nie pozna zrabić, niahledziačy na ŭsie tyja strašnyja złačynstvy, da jakich majuć dačynieńnie pamahatyja jaho režymu i jon sam. Na prykładzie prymireńnia ŭ takich krainach, jak PAR i Salvador, my bačym, što ludzi abjadnoŭvajucca vakoł lidara, jaki vyrašaje paviarnuć chod historyi ŭ demakratyčnaje rečyšča. I niachaj heta hučyć naiŭna z majho boku, ale ja spadziajusia, što heta ŭsio ž adbudziecca», — skazaŭ kanhresmien.

Adkazvajučy na pytańnie, jakim jon bačyć adychod Łukašenki ad ułady, Śmit skazaŭ: «Słabadan Miłošavič i Ratka Mładzič usio ž paŭstali pierad Haahskim trybunałam za vajennyja złačynstvy. Hetyja ludzi na praciahu niejkaha času ŭčyniali žudasnyja złačynstvy. Jany katavali ludziej, sadžali ich u turmu biez suda i śledstva. Sa svajoj achovy jany zrabili bandu hałavarezaŭ, jakija žyvuć pa mafijoznych zakonach. Ale ŭsio heta kali-niebudź zakančvajecca. Havoračy pra Łukašenku i ludziej, jakija jaho akružajuć, ja spadziajusia, što jany abo sami pačnuć reformy, abo siaduć na samalot, jak heta moža zrabić Asad u Siryi, i tady jany zakončać u niejkaj krainie, atrymaŭšy tam prystanišča. Ja pamiataju časy, kali Łukašenka byŭ blizkim siabram Miłošaviča. Dyk voś, Miłošaviča bolš niama. Ja ščyra vieru, što kali-niebudź Biełaruś zmoža naciešycca ŭsimi dabrotami sapraŭdnaj demakratyi».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?