Dziaržaŭny kamitet pa majomaści padrychtavaŭ źmieny ŭ zakon «Ab pryvatyzacyi».

U zakonaprajekcie havorycca, što adnaŭleńnie pravoŭ dziaržavy pry štvareńni akcyjaniernych tavarystvaŭ, stvoranych u pracesie pieraŭtvareńnia, adbyvajecca

«u tym liku šlacham vypusku dadatkovych akcyj i pieradačy ich Respublicy Biełaruś i (abo) administracyjna-terytaryjalnym adzinkam na padstavie sudovaj pastanovy haspadarčaha suda».

Dla prymusovaha ŭniasieńnia źmianieńniaŭ i dapaŭnieńniaŭ u statuty akcyjaniernych tavarystvaŭ u rehistrujučy orhan nieabchodna budzie pradastavić zajavu sudovaha vykanaŭcy, sudovy zahad, a taksama prajekt źmianieńniaŭ i dapaŭnieńniaŭ u statut.

Dla praviadzieńnia dadatkovaj emisii spatrebicca zajava sudovaha vykanaŭcy i sudovy zahad ab pryznańni za dziaržavaj pravoŭ na akcyi, jakija buduć vypuščanyja padčas dadatkovaj emisii.

Jak paviedamlałasia, u žniŭni 2012 hoda dziaržava padała iskavyja zajavy ŭ Vyšejšy haspadarčy sud ab adnaŭleńni pravoŭ Respubliki Biełaruś na akcyi SP AAT «Spartak» i SAAT «Kamunarka». Na dumku DKI, dola dziaržavy była niezakonna prynižanaja ŭ chodzie pryvatyzacyi abiedźviuch fabryk ŭ 1990-ja hady.

VHS zadavoliŭ iskavyja patrabavańni ŭ poŭnym abjomie.

U kastryčniku ahulny schod akcyjanieraŭ «Kamunarki» pryniaŭ rašeńnie ab dadatkovaj emisii i pavieličeńni doli dziaržavy ŭ fabrycy da bolš za 57%. Anałahičnaja pracedura prajšła na «Spartaku», dola dziaržavy ŭ AAT vyrasła da 60%.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?