Гэтая сапраўдная беларуская страва вымагае часу і натхнення для прыгатавання. Але вынік атрымліваецца выдатны.Спачатку трэба паставіць рошчыну для бліноў, а потым брацца за прыгатаванне самой мачанкі — скаромнай ці поснай, па жаданні.
Мачанка з рабрынкамі
250 г свіных рабрынак, 200 г сялянскай каўбасы, 2 цыбуліны, 100 г сала для падсмажвання, 2 ст. лыжкі мукі, лаўровы ліст, сельдэрэй (па жаданні), соль.
Кавалачкі свініны з рабрынкамі і сялянскай каўбасы абсмажыць. Пшанічную або ячменную муку развесці халоднай вадой, уліць у кіпень, увесь час памешваючы. У падліўку, якая стварылася, пакласці лаўровы ліст, сельдэрэй, соль, падсмажаныя кавалачкі сала і дробна нарэзанай цыбулі, а таксама свініну і каўбасу. Паставіць на 20–25 хвілін у гарачую духоўку. Да мачанкі даць бліны.
Мачанка з грыбамі і селядцом
50 г сухіх грыбоў, 1 ст. лыжкі мукі, 1 цыбуля, 100 г філе селядца (салёнага), 2 ст. лыжкі алею.
Грыбы замачыць на 2–3 гадзіны ў халоднай вадзе, вымыць, адварыць без солі. 1 ст. лыжку мукі і столькі ж алею прасмажыць да
Бліны да мачанкі (на рошчыне)
1,5 мукі, 1,5 ст. малака або вады, 1 яйка, 1 ч. лыжка цукру, 20 г дражджэй, 2 вялікія бульбіны, 2 ст. лыжкі алею або маргарыну для цеста, алей для смажання, соль
Прыгатаваць апару, для чаго уліць у начынне 2/3 нормы малака ці вады, падагрэтых да 35–40 °С, развесці ў іх дрожджы, усыпаць палову мукі, размяшаць да аднароднай кансістэнцыі, накрыць палатняным ручніком і паставіць у цёплае месца на 1–1,5 гадзіны.
Калі рошчына падыдзе, дадаць цукар, соль, яйка, алей або маргарын, муку, якая засталася, падагрэтае малако, якое засталося, добра вымешаць і даць падысці ў цёплым месцы, затым зноў перамяшаць цеста і зноў паставіць у цёплае месца. Калі цеста зноў падыдзе, перамяшаць, дадаць натаркаваныя сырыя бульбіны, перамяшаць і выпякаць на алеі.
Падаваць з мачанкай.
