Перамовы прэм’ер-міністраў Расіі Уладзіміра Пуціна і Беларусі Міхаіла Мясніковіча адбудуцца ў Маскве 20 студзеня,
паведаміла
прэс-служба расійскага ўрада.
Пуцін і Мясніковіч «абмяркуюць актуальныя пытанні двухбаковага супрацоўніцтва, у прыватнасці, у гандлёва-эканамічнай і энергетычнай сферах, а таксама перспектывы ўзаемадзеяння ў межах Мытнага саюза».
Мясніковіч быў прызначаны прэм’ер-міністрам 28 снежня 2010 года. Дагэтуль урада Беларусі з 2003 года ўзначальваў Сяргей Сідорскі. Паездка ў Маскву будзе першым замежным візітам Мясніковіча ў якасці кіраўніка ўрада.
Дзмітрый Уласаў, БелаПАН.
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ