Стала вядома, што прыкладна, а шостай гадзіне вечара быў затрыманы Іван Кулікоў.Паведаміў прадстаўнік камітэта ў абарону зняволеных «Над бар’ерам» Цімох Дранчук.
Гэтай восенню Кулікоў спрабаваў вылучацца ў прэзідэнты.
Ягоная ініцыятыўная група была зарэгістраваная ЦВК, але подпісы так і не былі здадзеныя.
Паводле Дранчука, Кулікоў патэлефанаваў сваёй сястры, каб паведаміць, што зараз да яго ў хату прыдуць з ператрусам. Праз пару хвілінаў у дзверы сапраўды раздаўся званок.
Следчыя вырашылі, што Іван Кулікоў будзе ўзяты пад варту на трое сутак.
Івану Кулікову 61 год. З 2005 узначальвае лабараторыю абсталявання ядзерных энергетычных установак і рэсурсазберагальных тэхналогій Аб’яднанага інстытуту энергетычных і ядзерных даследаванняў «Сосны» НАН Беларусі. Беспартыйны. Удавец, мае двух сыноў і дачку.
0
0
0
0
0
0
