Symantec: Колькасць спаму, рассыланага па электроннай пошце, знізілася ў некалькі разоў

Эксперты Symantec выявілі, што па ўсім свеце індустрыя спаму — масавай рассылкі непажаданых рэкламных паведамленняў — перажывае драматычны спад.

Аб’ём спаму, рассыланага ў свеце, устойліва зніжаўся прыкладна з сярэдзіны 2010 года, але ў Каляды яго падзенне стала асабліва заўважным.

У параўнанні са жніўнем 2010 года, калі штодня рассылалася каля 200 млрд спам-лістоў, да канца года іх колькасць знізілася ў чатыры разы. У снежні эксперты па бяспецы фіксавалі толькі 50 млрд рассыланняў за дзень.

Прычыны гэтага феномену не зусім зразумелыя, гавораць спецыялісты па барацьбе са спам-індустрыяй, але вядома, што ў дні калядных вакацыяў практычна прыпынілі сваю дзейнасць тры найбуйнейшыя спамерскія ботнэты.

Найбуйнейшы з гэтых ботнэтаў, вядомых як Rustock, на піку свайго росту адказваў за 47–48% сусветнага спаму. Аднак, паводле яго словаў, да снежня Rustock разаслаў толькі 0,5% спам-паведамленняў у сеціве. Адначасова паменшылася колькасць непажаданай пошты, якая рассылаецца двума наступнымі па велічыні ботнэтамі Lethic і Xarvester.

Звычайна сур’ёзнае падзенне ўзроўняў спаму бывае звязана з разбурэннем ботнэтаў, расказаў брытанскім журналістам Пол Вуд, галоўны аналітык Symantec Hosted Services, аднак, наколькі яму вядома, Rustock не крануты.

Магчымае тлумачэнне чатырохкротнага зніжэння аб’ёму сусветнага спаму складаецца ў тым, што спамеры перагрупоўваюць сілы перад наступам на новых франтах. Ёсць прыкметы, што яны пачалі звяртаць усё больш увагі на альтэрнатыўныя каналы распаўсюду, напрыклад, на Facebook і Twitter.

hitech.newsru.com/

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ