Якімі тэмамі займаецца актуальная беларуская літаратура? Якія характарыстыкі вызначаюць яе ў еўрапейскім літаратурным ландшафце і робяць унікальнай у еўрапейскім кантэксце? Гэтыя пытанні мы выносім на абмеркаванне падчас літаратурнай секцыі ў межах Мінскага форума XIII.
Пад мадэрацыяй Катрын Оствальд-Рыхтэр, дырэктаркі Інстытута імя Гётэ, пісьменнік Уладзімір Арлоў, паэт Андрэй Хадановіч, паэт Дзмітрый Дзмітрыеў і арт-менеджэрка Ірына Герасімовіч паспрабуюць намаляваць жывы і супярэчны вобраз беларускага літаратурнага ландшафту.
Акрамя таго, вядомы славіст і перакладчык шматлікіх твораў класічнай беларускай літаратуры на нямецкую мову Норберт Рандаў будзе прысутнічаць на секцыі ў відэафармаце. Норберт Рандаў, які ў 2005 годзе знайшоў у Германіі невядомыя кнігі Францыска Скарыны, з задавальненнем узяў бы ўдзел у імпрэзе асабіста, але, на жаль, вымушаны быў адмовіцца ад асабістай прысутнасці з прычын, звязаных са станам здароўя.
Імпрэза адбудзецца 4 лістапада 2010 годзе, у 16.00 гадзін, у межах Мінскага форума XIII у вялікай канферэнц-зале Міжнароднага адукацыйнага цэнтра імя Яганеса Раў, вул. Газеты Праўда 11, Мінск.
Сардэчна запрашаем Вас на літаратурную секцыю, у якой возьмуць удзел высокакваліфікаваныя выступоўцы.
Калі Вы яшчэ не маеце акрэдытацыі на Мінскім форуме і хацелі б узяць удзел у рабоце літаратурнай секцыі, просім Вас давесці гэта да ведама арганізатараў.
З павагай,
Нямецка-беларускае таварыства
Інга Пэтц
Наталля Пчолкіна
Бюро Мінскага форума
