19-гадовая лёгкаатлетка Кацярына Арцюх дыскваліфікавана на два гады за ўжыванне допінгу,
паведаміла прэс-служба Беларускай федэрацыі лёгкай атлетыкі. Тэрмін дыскваліфікацыі - з 24 ліпеня 2010 да 12 жніўня 2012 года.
24 ліпеня на юніёрскім чэмпіянаце свету ў Канадзе Арцюх заваявала залаты медаль у бегу на 400 метраў з бар'ерамі (56,16 секунды). Проба, узятая пасля спаборніцтваў, дала станоўчы вынік.
8 кастрычніка выканкам БФЛА прыняў рашэнне аб дыскваліфікацыі, якое затым было пацверджана Міжнароднай федэрацыяй лёгкай атлетыкі.
Вынік Арцюх ануляваны, яна пазбаўленая залатога медаля.
0
0
0
0
0
0
