Міністэрства навакольнага асяроддзя і рэгіянальнага развіцця Латвіі перадало інфармацыю аб выяўленых парушэннях адхіленага ад пасады мэра Рыгі Ніла Ушакова ў Генеральную пракуратуру і Бюро па прадухіленні і барацьбе з карупцыяй, паведамляе Delfi.
Foto: F64
Ведамства ацэніць, ці ёсць у дзеяннях Ушакова прыкметы здзяйснення крымінальных злачынстваў, у прыватнасці махлярства і бяздзейнасці службовай асобы, якія прывялі да цяжкіх наступстваў.
Міністр Юрыс Пуце ў чарговы раз падкрэсліў, што рашэнне аб адхіленні Ушакова ад пасады не нясе ніякай палітычнай падаплёкі і выклікана выключна шматлікімі парушэннямі закона. Пуце хацеў прадэманстраваць усім кіраўнікам мясцовых самакіраванняў, што ім неабходна працаваць выключна ў прававых рамках. У той жа час міністэрства не змагло распусціць Рыжскую думу, бо парушэнняў у рабоце гарадскога парламента выяўлена не было.
