Фота: тэлеграм-канал Life Shot
Кіраўнік Расіі Уладзімір Пуцін наведаў сёння вяселле міністаркі замежных спраў Аўстрыі Карын Кнайсль. Кнайсль запрасіла Пуціна на вяселле, а той пагадзіўся заскочыць на «пару гадзінаў» на шляху ў Нямеччыну, дзе мае сустрэцца з Ангелай Меркель.
53-гадовая Карын Кнайсль гуляе вяселле з бізнэсмэнам Вольфгангам Майлінгерам. Пуцін спазніўся на ўрачыстасць на 10 хвілін. Для яго картэжа перакрылі шашу, каб скараціць час праезду.
Пуцін станцаваў з Кнайсль, а потым паехаў па справах. Ад'езд картэжа са святкавання ў прамым эфіры паказаў інтэрнэт-тэлеканал OE24.TV. Перад тым як сесці ў лімузін, расійскі лідар распісаўся на вясельным аўтамабілі маладых і крыкнуў «Горка!».
0
0
0
0
0
0
