Adkryćcio Niaśvižskaha zamka adbudziecca 20 lipienia?

Vierahodna, tam budzie prysutničać Alaksandr Łukašenka.

16.07.2012 / 14:46

Aficyjnaje pacvierdžańnie ni pieršaha, ni druhoha atrymać niemahčyma: paŭsiul adkazvajuć, što «takoj infarmacyjaj nie vałodajuć».

Adnak u nieaficyjnaj razmovie supracoŭniki Nacyjanalnaha historyka-kulturnahamuzieja-zapaviednika «Niaśviž» paviedamili što im było abvieščana mienavita pra adkryćcio 20 lipienia, u najbližejšuju piatnicu.

Ab pryjeździe Łukašenki ŭskosna śviedčyć toje, što ŭ supracoŭnikaŭ aktyŭna pierapisvajuć pašpartnyja źviestki i pravodziać asablivaje instruktavańnie.

Nahadajem, Alaksandr Łukašenka braŭ udzieł u adkryćci Mirskaha zamka 16 śniežnia 2010 hoda. Simvalična, što 20 lipienia, kali moža adbycca adkryćcio Niaśvižskaha zamka, spoŭnicca roŭna 18 hadoŭ z dnia inaŭhuracyi Łukašenki ŭ 1994 hodzie.

Adkryćcio adrestaŭravanaha Niaśvižskaha zamka pieranosiłasia šmatrazova. Apošni raz — miesiac tamu, kali na datu 15 červienia niekatoryja hości navat paśpieli atrymać zaprašeńni.
Adnak za niekalki dzion da hetaha adkryćcio było admienienaje, a zaprašeńni skasavanyja. Pieršapačatkova ž płanavałasia skončyć restaŭracyju ŭ 2010 hodzie — pra heta śviedčyć vyrablenaja zahadzia i ŭmuravanaja ŭ zamkavuju bramu kamiennaja šylda.