Zatrymany aktyvist «Jeŭrapiejskaj Biełarusi» Andrej Moŭčan
Jaho zatrymali ŭnačy 14 lipienia na vulicy Astrašyckaj u minskim mikrarajonie Uručča.
14.07.2012 / 10:57
Małady čałaviek znachodzicca ŭ Pieršamajskim RUUS, suviazi ź im niama, pieradaje charter97.org. Pavodle maci Moŭčana, milicyjanty znajšli ŭ jaho nalepki. Chutčej za ŭsio, hramadskaha aktyvista čakaje sud u paniadziełak.
Na minułym tydni Andreja Moŭčana aštrafavali na 800 tysiač rubloŭ. 19 traŭnia jon razharnuŭ nacyjanalny ściah u ludnym miescy kala ŭniviersama “Pieršamajski” u znak salidarnaści z palitviaźniem Siarhiejem Kavalenkam. Praź niekatory čas da jaho padbiehli milicyjanty, vyrvali ściah z ruk i pačali źbivać da straty prytomnaści. Paśla hetaha milicyjanty advieźli jaho ŭ pastarunak, ale vymušanyja byli vyklikać chutkuju i dastavić Moŭčana ŭ lakarniu