10 красавіка — суд над Паўлам Вінаградавым
09.04.2012 / 18:37
На 16 гадзін аўторка прызначана чарговае судовае паседжаньне па ўзмацненьні прэвэнтыўнага нагляду для былога палітвязьня, аднаго зь лідэраў моладзевага крыла кампаніі «Гавары праўду!» — «Zмена» Паўла Вінаградава.
Падставамі, каб узмацніць нагляд, супрацоўнікі МУС лічаць неаднаразовыя парушэньні Вінаградавым адміністрацыйнага кодэксу.
Паўла Вінаградава некалькі разоў затрымлівалі нібыта за брыдкаслоўе і саджалі на суткі.
Усяго з пачатку году ён правёў у Цэнтры ізаляцыі правапарушальнікаў на Акрэсьціна 25 сутак.
6 красавіка суд адклалі, бо Вінаградаў зьвярнуўся ў Менскі гарадзкі суд са скаргай на незаконнае затрыманьне пасьля чарговай адседкі на Акрэсьціна, калі яго на міліцэйскай машыне адвезьлі ў міліцэйскі пастарунак Маскоўскага раёну і зноў, нібыта за нецэнзурную лаянку на ганку ўнівэрсаму «Базар», пасадзілі на 7 сутак.
Скарга, дарэчы, яшчэ не разгледжана, а Павал Вінаградаў ужо атрымаў чарговую судовую позву на 10 красавіка.