Rasija abahnała ZŠA pa košcie elektryčnaści dla mietałurhaŭ

24.10.2011 / 18:40

Taryfy na elektraenierhiju dla mietałurhičnaj haliny ŭ Rasii akazalisia vyšejšymi, čym u ZŠA.

Tak, pavodle dadzienych kampanii, u pieršym paŭhodździ 2011 hoda pradpryjemstvy Evraz płacili za kiłavat u Rasii 6 centaŭ, u toj čas jak u Amierycy elektryčnaść dla hrupy kaštavała tolki 5,3 centa (na 12% mienš). U PAR kiłavat elektryčnaści abychodziŭsia kampanii ŭ 5,7 centa, a va Ukrainie — 8,7. U Jeŭropie elektraenierhija kaštuje Evraz bolš čym u dva razy daražej, čym u Rasii: u Čechii hrupa płacić za kiłavat 13,2 centa, u Italii — 15,2.

Ceny na haz dla rasijskich stalavaraŭ u Rasii pakul nižejšyja, čym u ZŠA. Za tysiaču kubamietraŭ rasijskija pradpryjemstvy płaciać 100 dalaraŭ, u toj čas jak u ZŠA tysiača kubamietraŭ kaštuje 178 dalaraŭ. Ale tempy rostu cenaŭ na haz u Rasii śviedčać pra toje, što chutka RF dahonić ZŠA i pa hetym pakazčyku. Tak, kali za 2010 hod ceny na haz u Rasii vyraśli na 20%, u ZŠA za hety čas jany ŭpali na 1,5%.

U 1990-ja nizki košt enierhanośbitaŭ u Rasii razhladaŭsia ZŠA jak dempinh. U suviazi z hetym ZŠA nieadnarazova patrabavali ad RF pavysić ceny na enierhanośbity dla vytvorcaŭ stali. Rasija, kab zadavolić patrabavańni Amieryki, uviała abmiežavańnie na ekspart stali z krainy. Heta pryviało da pieranosu mnohimi rasijskimi staleliciejnymi kampanijami častki vytvorčaściaŭ u Amieryku.

Ceny na elektraenierhiju ŭ Rasii pakul kantralujucca dziaržavaj, choć u vyniku reformy enierhietyki cenaŭtvareńnie maje pierajści na rynkavy miechanizm. U siaredzinie 2011 hoda cana na elektraenierhiju ŭ Rasii zastavałasia adnoj z samych nizkich siarod krain Jeŭropy. Tak, u Hiermanii elektraenierhija kaštuje amal u čatyry razy bolš, a ŭ Danii — u piać razoŭ.

afn.by