Sieviaryniec. Pieršy dzień «chimii» — fotarepartaž

«Režym bolš strohi, čym u Małym Sitnie», — adznačaje palityk.

12.08.2011 / 14:41

Asudžany da troch hadoŭ «chimii» sustaršynia arhkamitetu pa stvareńni partyi «Biełaruskaja Chryścijanskaja Demakratyja» Pavał Sieviaryniec 11 žniŭnia prybyŭ u viosku Kuplin Pružanskaha rajona dla adbyćcia pakarańnia.

«Śpieckamiendatura mieścicca za niekalki kiłamietraŭ ad Pružanaŭ u byłym vajskovym haradku.
Zvyčajnaja «chimija». Ludzi, jak ludzi. Biełarusy. Režym bolš strohi, čym u Małym Sitnie. Padjom a 6-j hadzinie, adboj a 22-j. Fiłijaŭ u śpieckamiendatury niama, ludzi pracujuć u horadzie ci bližejšych vioskach: hruzčykami, roznarabočymi», — paviedamiŭ jon. Pavał Sieviaryniec taksama raspavioŭ, što ŭ bližejšy čas vyrašycca pytańnie ź jaho pracaj. «Asnoŭnuju častku času tych, chto nie pracuje, zaprašajuć u aktavuju zału dla prahladu televizaru.
Ja płanuju napisać zajavu na naviedvańnie carkvy štoniadzielu ŭ Pružanach.
Mabilnaja suviaź pracuje ź pierabojami, pišu listy palitviaźniam», — adznačyŭ sustaršynia BCHD.