Śpiecnaz zamaŭlali? Płacicie!

Ad udzielnikaŭ akcyi na pamiežnym pierachodzie «Bruzhi» patrabujuć apłacić pasłuhi śpiecnaza, jaki ich zatrymlivaŭ.

07.07.2011 / 18:52

Ad ludziej, jakija pierakryli biełoruska-polski pamiežny pierachod «Bruzhi» u znak niazhody z uviadzieńniem abmiežavańniaŭ na vyvaz paliva ź Biełarusi, patrabujuć apłacić pasłuhi śpiecnaza, a taksama kampiensavać straty prastoju samaj mytni.

Asudžanym udzielnikam stychijnaj akcyi, jakaja prajšła na pamiežnym pierachodzie 11 červienia, supracoŭniki milicyi nakiravali apłatnyja patrabavańni, a ŭ vypadku ich nievykanańnia abiacajuć spahnać hrošy ŭ sudovym paradku.

— Ad ludziej, jakich aštrafavali, patrabujuć jašče i pakryćcio materyjalnych vydatkaŭ, jak jany pišuć u svaich pozvach. Stali šukać chłopcy i znajšli, za toje, što, nibyta, vyklikali śpiecnaz. Značyć, śpiecnazu niama čym płacić i jany chočuć ź ludziej spahnać. I jašče 660 tysiač — dla mytni, — raspaviadaje hrodzienski aktyvist Mikałaj Baŭsiuk, paviedamlaje Radyjo «Racyja».