ДАІ палохае, што выявіць усіх удзельнікаў акцыі «Стоп-бензін», якія парушалі ПДР

08.06.2011 / 15:15

Удзельнікаў несанкцыянаванай акцыі супраць павышэння рознічных цэн на нафтапрадукты, што парушалі правілы дарожнага руху, ДАІ вызначыць па нумарных знаках,
паведаміла начальнік прэс-службы УДАІ ГУУС Мінгарвыканкама Жанна Трайно.

«…Тое, што адбывалася на праспекце Незалежнасці фіксавалася на відэакамеру супрацоўнікамі ДАІ. Парушальнікі Правілаў дарожнага руху будуць выяўляцца па нумарных знаках. Іх дзеянням будзе дадзена прававая ацэнка», — сказала яна.

Дзяржаўтаінспекцыя будзе ацэньваць толькі тыя дзеянні ўдзельнікаў несанкцыянаванай акцыі, якія былі ў парушэнне ПДР, — адзначыла Трайно.