Sapraŭdnaja biełaruskaja kuchnia: Kałduny z bulby

11.02.2011 / 12:02

1 kh bulby, 1 cybulina, 3 st. łyžki muki, 1 jajka, sol, čorny mołaty pierac, alej dla smažańnia.

Dla načynki: 250–300 h miasnoha faršu (lepš sumieś śvinoha i jałavičnaha) abo 100 h suchich hryboŭ, 2 cybuliny, 1 morkva.

Kałduny z bulby — heta draniki z načynkaj.

Bulbu ababrać, cybulu ačyścić i nacierci ich na drobnaj tarcy albo z dapamohaj kuchonnaha kambajna. Źlić zališniuju vadu, trochi adcisnuŭšy pry hetym bulbianuju masu. Dadać sol, jajka i muku, pieramiašać.

Brać łyžkaj bulbianuju masu, kłaści jaje na ruku, u siaredzinu kłaści načynku, farmavać plaskaty piražok i smažyć na patelni na razahretym alei da hatoŭnaści.

Načynka moža być ź miasnoha faršu, prypraŭlenaha pa hustu śpiecyjami, abo z advaranych, parezanych hryboŭ, padsmažanych z narezanaj kołcami cybulaj i naciortaj na bujnoj tarcy morkvaj.

Hatovyja kałduny skłaści ŭ taŭstaścienny rondal, pierakładajučy padsmažanaj na sale abo maśle cybulaj, i nienadoŭha pastavić u haračuju duchoŭku.

Padavać sa śmiatanaj.