Łukašenka: ja nie bajusia nijakich sankcyj, apazicyja chacieła ździejśnić dziaržaŭny pieravarot

27.01.2011 / 14:53

Alaksandr Łukašenka zajaviŭ, što nie baicca nijakich sankcyj z boku Jeŭrasajuza. Pra heta jon skazaŭ u čaćvier, vystupajučy na adkryćci 7-j pazačarhovaj siesii pałaty pradstaŭnikoŭ biełaruskaha parłamienta.

U svajoj pramovie Łukašenka kazaŭ pra toje, što rola navuki ŭ raźvićci Biełarusi pavinna raści, uzrovień žyćcia biełaruskaha naroda pavinien nablizicca da siaredniejeŭrapiejskaha, a pakazčyki enierhajomistaści pavinny nablizicca da ŭzroŭniu raźvitych krain. Łukašenka zapatrabavaŭ radykalnych mier u dačynieńni da stratnych pradpryjemstvaŭ.

Kamientujučy padziei 19 śniežnia, Łukašenka zajaviŭ, što tady ŭłada praduchiliła dziaržaŭny pieravarot, jaki rychtavała apazicyja.