Sajt Maładoha Frontu sutki nie pracuje

19.01.2011 / 16:03

U aŭtorak prykładna a 14 hadzinie byŭ zabłakavany dostup da sajta "Maładoha Frontu" mfront.net jak naviednikam, tak i administrataram: na staroncy ŭparta vyśviečvajecca dopis "U vas niama dazvołu na dostup da hetaha servieru".

Jak paviedamili pres-słužbie MF techničnyja specyjalisty, što zaraz sprabujuć adnavić sajt, partał padvierhnuŭsia nadzvyčaj mocnaj i praciahłaj atakie j usie fajły ź jaho byli vydalenyja. Praca pa adnaŭleńniu sajta jdzie ŭžo sutki, ci vyniki buduć paśpiachovymi - nieviadoma.

Aktyvisty arhanizacyi schilnyja ličyć datyčnymi prablemaŭ z sajtam supracoŭnikaŭ specsłužbaŭ: za apošni tydzień na dopyty ŭ KDB byli vyklikanyja dziasiatki aktyvistaŭ, i adnym z samych hałoŭnych pytańniaŭ na ŭsich dopytach byŭ sajt, jahonyja administratary j žurnalisty.