U babrujskaha žurnalista vymahali pakajańnia za Płošču

11.01.2011 / 16:03

Babrujskaha žurnalista Jaŭhiena Vaśkoviča dapytali ŭ KDB. Dopyt doŭžyŭsia kala dźviuch hadzin.

Pavodle dapytanaha, śledčy damahaŭsia, kab jon pastaviŭ podpis pad radkami ŭ pratakole, dzie havaryłasia pra toje, što jaho znachodžańnie na płoščy Niezaležnaści 19 śniežnia było pamyłkaj.

Vaśkovič: «Śledčy vypytvaŭ, što ja rabiŭ na płoščy. Što adbyvałasia tam. Jon kazaŭ, što heta papiaredniaja hutarka. Mianie papiaredziŭ, što ja moh by być źvinavačany za ŭdzieł u niesankcyjanavanym mierapryjemstvie. Potym u papiery, jakuju mnie dali padpisać, była farmuloŭka prykładna takoha źmiestu — „Ja ŭśviedamlaju, što ŭdzielničaŭ u biesparadkach i što bolš nia budu tak rabić“. Ja paprasiŭ, kab napisali pa-mojmu, što budu ŭdzielničać i nadalej pavodle maich palityčnych pierakanańniaŭ u akcyjach pratestu mirnaha charaktaru».

Jaŭhiena Vaśkoviča aryštavali na płoščy Niezaležnaści 19 śniežnia. Jon adsiedzieŭ u izalatary na Akreścina 12 sutak administracyjnaha aryštu.