Pieratrusy ŭ Afnahiela (Minski rajon), Bałakira (Słuck), Tyčyny (Salihorsk)
05.01.2011 / 21:50
Supracoŭniki KDB atakavali dom u vioscy Malinaŭka, u jakim žyvie moładzievy lider Jaŭhien Afnahiel z žonkaj.
Jak stała viadoma charter97.org, napadniki vyłamali dźviery susiedziaŭ i praz zapasny ŭvachod pasprabavali praniknuć u kvateru Afnahiela, kiraŭnika mienskaha štaba Andreja Sańnikava. Śviedkami napadu staŭ cieść aktyvista i jaho žonka. Samoha Jaŭhiena doma nie było, sustrakacca z kadebešnikami jon nie planuje.
Supracoŭniki KDB zabrali videakameru i kamputarnaje abstalavańnie. Pieratrus pravodzicca ŭ ramkach kryminalnaj spravy ab masavych biesparadkach.
Taksama, jak paviedamiŭ u Tvitery Alaksiej Vałabujeŭ, siońnia ŭviečary pačaŭsia pieratrus u salihorskaha maładafrontaŭca i aktyvista kampanii «Havary praŭdu» Andreja Tyčyny.
* * *
U słuckaha hramadskaha aktyvista Vitala Amialkoviča pravodzicca pieratrus supracoŭnikami miascovych addzialeńniaŭ KDB i RUUS. U pastanovie ab praviadzieńni pieratrusu značycca, što dadzienaje śledčaje dziejańnie pravodzicca ŭ miežach kryminalnaj spravy ab masavych biesparadkach.
Pieratarus u słuččanina Dzianisa Bałakira ŭžo zavieršany: jon pravodziŭsia ŭ miežach toj ža kryminalnaj spravy. U Dzianisa kanfiskavany nośbity infarmacyi.
Ni Vital Amialkovič, ni Dzianis Bałakir nie brali ŭdziełu ŭ akcyi pratestu ŭ Minsku 19 śniežnia -- jany ŭ hety čas nazirali za praviadzieńniem padliku hałasoŭ i padviadzieńniem vynikaŭ vybaraŭ na słuckich vybarčych učastkach.