Сем'і палітвязняў пачалі збіраць подпісы пад петыцыяй за вызваленне
Дакумент маюць агучыць на сесіі Еўрапарламента 12 студзеня.
05.01.2011 / 21:03
Дакумент маюць агучыць на сесіі Еўрапарламента 12 студзеня.
Грамадзянская ініцыятыва «Вызваленне», у якую ўвайшлі блізкія беларускіх палітвязняў, у тым ліку кандыдатаў у прэзідэнты, арыштаваных 19 снежня, праз Фэйсбук звярнулася да беларусаў з просьбай аб падтрымцы.
Ініцыятары звароту заклікаюць падпісаць Петыцыю «За вызваленне палітычных зняволеных». Дакумент плануецца агучыць на пазачарговай сесіі Еўрапарламента 12 студзеня.
Тэкст паўстаў у выніку нефармальнай ініцыятывы. Гэтым, магчыма, тлумачыцца разыходжанне тэкстаў яго расейскай і ангельскай версій.
На момант напісання гэтага матэрыяла пад петыцыяй было сабрана 528 подпісаў. Усяго ініцыятары звароту хочуць сабраць 150 тысяч подпісаў.