Jarmošyna: Pytańnie ab pierahladzie vynikaŭ vybaraŭ-2006 nie abmiarkoŭvajecca

14.10.2010 / 15:23

Staršynia Centrvybarkama Biełarusi Lidzija Jarmošyna nie bačyć padstaŭ dla pierahladu vynikaŭ prezidenckich vybaraŭ 2006 hoda. Pra heta jana zajaviła 14 kastryčnika, kamientujučy žurnalistam mierkavańnie viadomaha błohiera Jaŭhienija Lipkoviča.

Lipkovič u svaim internet-dziońniku pytajecca: ci pavinien Alaksandr Łukašenka «nieści adkaznaść za padaču niesapraŭdnych źviestak u dekłaracyi ab dachodach za 2005 hod»? U pryvatnaści, piša jon,

u dekłaracyi Łukašenki byli ŭkazany źviestki ab dvuch synach, u toj čas jak u kiraŭnika dziaržavy try syny.

«Heta nie źjaŭlajecca padstavaj dla pierahladu ci anulavańnia vynikaŭ vybaraŭ», — zajaviła Jarmošyna. Dziejańni Lipkoviča jana rascaniła jak «zvyčajnuju sprobu „prapijarycca“ za košt miedyjnaj asoby, cikavaj piersony».

Pytańnie pra pierahlad vynikaŭ vybaraŭ 2006 hoda «nie padlahaje abmierkavańniu», padkreśliła kiraŭnik CVK.