Sapraŭdnaja biełaruskaja kuchnia: Kapusta kvašanaja pa-kamaroŭsku
06.10.2010 / 10:47
(atrymana ad handlarak kvašanaj kapustaj na Kamaroŭcy)
3 kh kapusty, 1,5 ł vady, 90 h (3 st. łyžki) bujnoj soli, morkva i kmien da hustu.
Našatkavać kapustu, nacierci morkvu. Pieramiašać kapustu z morkvaj i kmienam, nie pieracirajučy. Skłaści ŭ pasudzinu, pasypać sollu. Zalić haračaj kipiačonaj vadoj. Prycisnuć hniotam. Trymać pasudzinu ŭ ciopłym miescy troje sutak, kožny dzień 1–2 razy pratykajučy, naprykład, skałkaj ci čystaj pałkaj, kab vychodzili hazy. Potym raskłaści ŭ słoiki i trymać u ladoŭni ci ŭ lochu.
Važna raskłaści kapustu pa słoikach mienavita praz troje sutak, tady jana ŭdasca vydatnaja pa smaku i chrabustkaja.