U Homieli projduć konkursy pa chutkasnym pajadańni sasisak i pićci małaka

28.09.2010 / 11:55

Dziaržaŭnaje abjadnańnie «Homielmiasamałpram» upieršyniu praviadzie abłasnoje śviata «Miasa-małočnaja kraina». Mierapryjemstva adbudziecca 2 kastryčnika ŭ abłasnym centry na płoščy Paŭstańnia, paviedamili BiełaPAN u abjadnańni.

Śviata projdzie pad znakam prapahandy zdarovaha sposabu žyćcia. U pryvatnaści, achvotnyja zmohuć abmianiać cyharety na małočnyja pradukty. Kurs abmienu vytvorcy vyznačać samastojna.

U prahramie śviata — vystava-kirmaš pa prodažy miasa-małočnaj pradukcyi, dehustacyi. Projduć konkursy «Kaŭbasny marafon» i «Małočnyja vusy» — pa pajadańni varanych sasisak i pićci małaka na chutkaść. Pieramožcy buduć uznaharodžany pryzami.

Viečaram budzie arhanizavana maładziožnaja prahrama — konkursy, dyskateka, vystupleńnie hurtu «Horodskaja toska» i miascovych maładziožnych kalektyvaŭ.