У Вільні — шыльда Багушэвічу, у Жупранах — помнік
09.09.2010 / 15:40
Фота www.oshmiany.grodno.by.
17 верасня ў Вільні адбудзецца ўрачыстае адкрыццё памятнай шыльды ў гонар Францішка Багушэвіча.
Шыльда з’явіцца на будынку на вуліцы Конная, у якім пісьменнік жыў. Як паведаміў старшыня Таварыства беларускай мовы Віленскага краю Юрась Юркевіч, на ўрачыстаць запрошаны міністр культуры Беларусі Павел Латушка, мэр Вільні, паслы.
А ў Жупранах завяршылася рэканструкцыя помніка на магілах пісьменніка і яго сваякоў.
Як адзначаюць у Ашмянскім райвыканкаме, усе працы праводзіліся пры спонсарскай падтрымцы. Нагадаем, што ў ліпені ў рэдакцыю звярнуўся чытач, які пры наведванні Жупранаў знайшоў магілу Багушэвіча ў жудасным стане.