Беларускі гурт B:N: стаў хэдлайнерам дабрачыннага канцэрту ў Жытоміры
+ фота
Мiжнародная вечарына «OPEN BORDER» прайшла ў рамках дабрачыннай акцыі Усеўкраінскага фонду «Сэрца да сэрца». Арганізаваў яе беларус Ігар Коктыш.
19.05.2010 / 15:12
Мiжнародная вечарына «OPEN BORDER» прайшла ў рамках дабрачыннай акцыі Усеўкраінскага фонду «Сэрца да сэрца». Арганізаваў яе беларус Ігар Коктыш.
У ноч з 16 на 17 мая ў Жытоміры ў начным клубе «Каньён» адбылася міжнародная вечарына «OPEN BORDER». Канцэрт, у якім прынялі ўдзел украінскія гурты «Crystal Night», «Raw & Bold», «Астерия», «Мама я радыё» ды інш., а таксама беларускі гурт B:N: (Бяроза), ладзіўся ў рамках дабрачыннай акцыі Усеўкраінскага фонду «Сэрца да сэрца». Акцыя гэта скіраваная на дапамогу нованароджаным дзецям з фізічнымі недахопамі. Выступ беларусаў госці вечарыны назвалі сапраўдным выбухам.
Арганізаваў «OPEN BORDER» беларускі музыка Ігар Коктыш, які цяпер вымушана знаходзіцца ва Украіне. Акурат 16 мая Ігар адзначыў сваё 30-годдзе.
Выступ беларусаў госці вечарыны назвалі «сапраўдным выбухам». Фота hd-studio.com.ua
Ігар Коктыш сустракае землякоў. Фота hd-studio.com.ua