Pamior sińjor Łavacca, imia jakoha stała sinonimam kavy
19.02.2010 / 18:02
U vieku 78 hadoŭ pamior Emiłijo Łavacca — čałaviek, jaki zrabiŭ svajo imia sinonimam kavy.
Kala 40 hadoŭ Łavacca kiravaŭ kampanijaj, jakaja nasiła jaho imia. Za hety čas marka Lavazza stała papularnaj va ŭsim śviecie. U siabie na radzimie, u Italii, hetaja kampanija kantraluje amal pałovu ŭsich roźničnych prodažaŭ.
«Jon nie byŭ publičnaj piersonaj.
[Ludzi z Turyna] vielmi ceniać svajo pryvatnaje žyćcio. Ale mienavita Emiłijo vyvieŭ hetuju kampaniju na mižnarodny rynak», — zajaviŭ u intervju Bi‑Bi‑Si pres‑sakratar kampanii Lavazza.
Emiłijo Łavacca vielmi caniŭ spakoj i pryvatnaje žyćcio i
daŭ tolki adno intervju italjanskaj haziecie. Heta adbyłosia 15 hadoŭ tamu.
Ekspansija siamiejnaha biźniesu
Kampanija była zasnavanaja dziedam Emiłijo Łuidžy Łavacca ŭ 1895 hodzie.
Sam Emiłijo pryniaŭ kiraŭnictva kavavym biznesam paśla śmierci svajho baćki, jakoha, jak i dzieda, zvali Łuidžy, u 1971 hodzie.
Mienavita Emiłijo razharnuŭ markietynhavuju kampaniju za miežami nie tolki Turyna, ale i ŭsioj Italii,
dziakujučy čamu ŭ niekatorych krainach słova «łavacca» stała amal sinonimam słovu «espresa».
Pieršaje zamiežnaje pradstaŭnictva Lavazza było adkryta ŭ 1982 hodzie ŭ Francyi. Zaraz kampanija pracuje navat u takich krainach, jak Braziłija i Indyja i źjaŭlajecca šostaj u śviecie kampanijaj pa abjomach absmažavańnia kavy.
Pavodle papiarednich padlikaŭ, abjom prodažaŭ Lavazza za 2009 hod moža skłaści bolš za 1,1 młrd jeŭra.