U Hiermanii źbili znakamitaha majstra danosaŭ
18-hadovy Nikłas Matei, viadomy jak majstar danosaŭ, padvierhnuŭsia napadu ŭ subotu ŭviečary,kali jon siadzieŭ la čyhunačnaha vakzała na pasažyrskim kreśle mašyny svajho siabra-strymiera z Brandenburha.
28.04.2024 / 13:21
Nikłas Matei. Fota: BILD
Aŭtamabil akružyli niekalki dziasiatkaŭ čałaviek. Padčas razmovy na padvyšanych tonach adzin ź ludziej raptam udaryŭ jaho pa tvary praz adkrytaje akno. Nikłas sam vyklikaŭ chutkuju i palicyju, piša BILD.
Za apošni čas 18-hadovy Nikłas Matei z Hrefienchajnichiena (ziamla Saksonija-Anchalt na ŭschodzie Niamieččyny) staŭ viadomy na ŭsiu krainu. Jon nazyvaje siabie ŭ sacsietkach majstram danosaŭ, za minuły hod jon napisaŭ na ziemlakoŭ 4227 skarh. U ich liku — danosy na halinku, jakaja ŭpała na darohu, i hučny pyłasos.
Nikłas chvaliŭ śpiecsłužby Kitaja i vystupiŭ za adradžeńnie «Štazi» — represiŭnaje Ministerstva dziaržbiaśpieki HDR.
18-hadovy niemiec napisaŭ na ziemlakoŭ 4227 danosaŭ