Sienat ZŠA prahałasavaŭ za vydzialeńnie dapamohi Ukrainie
Bajden raniej abiacaŭ padpisać dakumient maksimalna chutka.
24.04.2024 / 07:15
Fota: Mariam Zuhaib / AP
Sienat Kanhresa ZŠA ŭ aŭtorak pieravažnaj bolšaściu hałasoŭ prahałasavaŭ za pryniaćcie pakieta dapamohi Ukrainie, Izrailu i Tajvaniu ŭ pamiery 95,3 miljarda dalaraŭ (Ukraina pavinna atrymać 61 miljard), piša «Ukrainskaja praŭda».
Zakonaprajekt ab vydzialeńni finansavańnia sajuźnikam ZŠA nabraŭ 79 hałasoŭ «za». «Suprać» prahałasavała 17 sienataraŭ.
Takim čynam, abiedźvie pałaty amierykanskaha Kanhresa ŭchvalili zakonaprajekt.
Dla ŭstupleńnia ŭ siłu zakonaprajekt pavinien padpisać prezident ZŠA Džo Bajden, toj abiacaŭ jaho padpisać vielmi chutka.
20 krasavika Pałata pradstaŭnikoŭ ZŠA prahałasavała za zakonaprajekt ab zamiežnaj dapamozie dla Ukrainy.
Taksama ŭ subotu bolšaściu hałasoŭ pryniaty zakonaprajekt, jaki ŭklučaje pałažeńnie ab kanfiskacyi suvierennych aktyvaŭ Rasii na karyść Ukrainy, uklučajučy «zabaronu na razmarozku suvierennych rasiejskich aktyvaŭ», «paŭnamoctvy dla zabieśpiačeńnia kampiensacyi Ukrainie z vykarystańniem zachoplenych rasijskich aktyvaŭ», i «vykarystańnie aktyvaŭ dla adnaŭleńnia Ukrainy».