Pałac hramadzianskich abradaŭ u Minsku časova nie budzie prymać zajavy na rehistracyju šlubu
Jon pierajazdžaje ŭ inšaje pamiaškańnie.
20.04.2024 / 15:18
Fota: Jandeks-panaramy
U Minsku Pałac hramadzianskich abradaŭ, što na vulicy Kamunistyčnaj, u suviazi z praviadzieńniem ramontnych rabot pierajazdžaje ŭ inšaje pamiaškańnie. U jaho pracu ŭniesieny źmieny, paviedamlaje BiełTA.
Pa 27 krasavika tut ažyćciaŭlajuć tolki pryjom hramadzian, źviazany z uračystaj rehistracyjaj zaklučeńnia šlubu pa papiarednie padadzienych zajavach.
«U vypadku nieabchodnaści padačy zajavy na rehistracyju zaklučeńnia šlubu vy majecie prava źviarnucca ŭ luby z adździełaŭ ZAHSa horada Minska. Dla atrymańnia źviestak z zapisu akta hramadzianskaha stanu (daviedak, paŭtornych śviedčańniaŭ) rekamiendujem źviarnucca ŭ nazvany pieryjad u siektar archiva orhanaŭ, jakija rehistrujuć akty hramadzianskaha stanu Hałoŭnaha ŭpraŭleńnia justycyi Minharvykankama pa pr. Puškina, 42», — raspaviali va ŭpraŭleńni.
Pałac hramadzianskich abradaŭ z 30 krasavika budzie znachodzicca pa adrasie: pr.Pieramožcaŭ, 59 a (haścinica «Viktoryja»).