Litva zakryła punkt propusku «Miedniki» da viečara
Ranicaj čaćviarha na litoŭskim punkcie «Miedniki» («Miadzininkaj» — ź biełaruskaha boku «Kamienny Łoh») spynili propusk transpartu. Pryčynaj staŭ pažar, paviedamlaje Infotrans.
18.04.2024 / 08:57
Fota: sb.by
Paviedamlajecca, što zhareŭ ofisny budynak mytni. Budynak zhareŭ całkam. Pažar pačaŭsia kala 02:40.
Na 8:00 18 krasavika na hetym punkcie propusku ŭ čarzie stajali 200 lehkavych aŭtamabilaŭ i 710 hruzavikoŭ. Litva nie prymaje ni lehkavy, ni hruzavy trafik.
Raniej źjaviłasia infarmacyja, što ŭžo ŭ pačatku maja litoŭski bok moža zakryć punkt propusku «Bieniakoni» / «Salečniki» («Šalčyninkaj») na miažy ź Biełaruśsiu. U vyniku pamiž krainami zastaniecca tolki adzin punkt propusku «Miedniki» — «Kamienny Łoh»).
Z 1 sakavika Litva zakryła na miažy ź Biełaruśsiu punkty propusku «Rajharad» («Pryvałka») i«Łavaryški» («Katłoŭka»).
U žniŭni 2023 hoda zakryli «Ćvierač» («Vidzy») i «Šumsk» («Łoša»).
Unačy zhareŭ mytny anhar ŭ punkcie propusku «Miedniki» na litoŭska-biełaruskaj miažy