Уначы згарэў мытны ангар і частка адміністрацыйнага будынка ў пункце пропуску «Мядзінінкай» на літоўска-беларускай мяжы
Падчас праверкі аўтамабіля ў ангары мытні той раптам загарэўся іўзнік пажар, піша 15min.lt.
18.04.2024 / 07:52
Скрыншот відэа
Як паведамілі ва ўпраўленні паліцыі, каля 02:40 ночы ў памежным пункце Мядзінінкай (з беларускага боку — «Каменны Лог»), у ангарывіленскай тэрытарыяльнай мытні, правяралі Porsche Cayenne.
У ходзе праверкі раптам узнік пажар, падчас якога загарэўся аўтамабіль, а таксама ангар аўтатэхагляду і адміністрацыйная частка будынка. У выніку інцыдэнту ніхто не пацярпеў. Страты падлічваюцца. Чыноўнікі расследуюць знішчэнне або пашкоджанне маёмасці па неасцярожнасці і высвятляюць прычыну пажару.
Да тушэння пажару прыцягнутыя восем аўтацыстэрнаў, дзве аўталесвіцы і штабны аўтамабіль.
«Падчас надгляду аўтамабіля ў ангары Віленскай тэрытарыяльнай мытні ўзнік пажар, згарэў аўтамабіль, згарэў надглядальны ангар і частка адміністрацыйнага будынка», — паведаміў прадстаўнік мытні Вітаўтас Ражанскас.
Як паведамілі ў Дэпартаменце пажарнай аховы і выратавання Літвы, пажар быў ліквідаваны каля 7:00 раніцы.