Brytanski inviestar, u jakoha zabrali najbujniejšuju soniečnuju elektrastancyju ŭ Biełarusi, uziaŭsia sudzicca ź biełaruskim uradam
Brytanski inviestar Kiabod Tutanian Mašad, jaki niekalki hadoŭ tamu pabudavaŭ samuju vialikuju fotaelektryčnuju stancyju ŭ Biełarusi, źviarnuŭsia ŭ Mižnarodny centr pa ŭrehulavańni inviestycyjnych sprečak (ICSID) dla vyrašeńnia sprečki ź biełaruskim uradam. Pra heta piša ilex.by.
17.04.2024 / 18:31
Fota: dneprovec.by
Inviestar ličyć, što pahadnieńnie Vialikabrytanii i Biełarusi ab sadziejničańni i abaronie inviestycyj pavinna dapamahčy jamu ŭ atrymańni kampiensacyi za straty, jakija ŭźnikli paśla adklikańnia prefierencyj dla pracy soniečnaj elektrastancyi.
Soniečnaja elektrastancyja mahutnaściu 109 MVt była zdadziena ŭ ekspłuatacyju ŭ Čerykaŭskim rajonie na Mahiloŭščynie ŭ 2021 hodzie. Ahulnaja suma inviestycyj u prajekt aceńvałasia ŭ 170 młn dalaraŭ. Adnak u 2022 hodzie ŭ Biełarusi byŭ pryniaty zakon, jaki prypyniŭ prymianieńnie pavyšajučych kaeficyjentaŭ da taryfaŭ na elektryčnuju enierhiju z adnaŭlalnych krynic i abaviazacielstvy dziaržavy kuplać enierhiju, jakaja imi vypracoŭvajecca.
Pracavać na novych umovach inviestar admoviŭsia, tamu elektrastancyju adklučyli ad dziaržaŭnaj enierhasistemy. Zamoŭca inviestprajekta, kampanija «Sołar Łend», pazbaviłasia dostupu da abjekta. Tady inviestar pasprabavaŭ viarnuć hrošy za pastaŭku abstalavańnia i prajektnyja raboty. Biespaśpiachovaść sproby paciahnuła likvidacyju «Sołar Łend».
Ciapier na majomaść kampanii nakładzieny aryšt. Takija aktyvy, jak vysakavoltnyja sistemaŭtvaralnyja linii i padstancyja napruhaj 110 kV, stali ŭłasnaściu Biełarusi.
U sakaviku 2024 hoda samu elektrastancyju vystavili na aŭkcyjon za 79,75 młn rubloŭ. Adnak achvotnych kupić abjekt pakul nie znajšłosia.
Aryštavali i vystavili na prodaž samuju mahutnuju ŭ Biełarusi soniečnuju elektrastancyju