Źnik tata dziaŭčynki z SMA, jakoj biełarusy sabrali na samyja darahija leki ŭ śviecie
Źnik Siarhiej Cierabaviec — tata dziaŭčynki Lizy z SMA, jakoj zusim niadaŭna biełarusy sabrali hrošy na samy darahi preparat u śviecie (adna injekcyja Zolgensma kaštuje kala 1 miljona 820 tysiač dołaraŭ). Paviedamleńnie pra heta źjaviłasia ŭ akaŭncie dziaŭčynki ŭ instahramie.
17.04.2024 / 16:30
Siamja Ludmiły i Siarhieja Cierabaŭcoŭ. Skrynšot sa staronki @liza_sma_sos
Apošni raz Siarhieja bačyli 10 krasavika. Jon mieŭ jechać na aŭtobusie z Hdańska ŭ Minsk, ale raptoŭna suviaź ź im źnikła. Viadoma, što ŭ polskim horadzie mužčyna žyŭ u rajonie Zaspa.
Siarhieju 41 hod, jahony rost 170 santymietraŭ, jon chudarlavy. Na pravaj ruce ŭ jaho tatuiroŭka «za vas».
Tych, chto niešta viedaje pra Siarhieja Cierabaŭca, prosiać paviedamić jaho žoncy. Doma mužčynu čakaje troje dziaciej. Darečy, 5 krasavika adbyłosia toje, čaho ŭsia siamja čakała doŭhi čas — Lizie zrabili injekcyju Zolgensma.
Pa infarmacyi «Našaj Nivy», miažy ź Biełaruśsiu mužčyna nie pierasiok.
Paviedamleńnie z prośbaj ab dapamozie ŭ pošukach Siarhieja Cierabaŭca. Skrynšot sa staronki @liza_sma_sos
Siarhiej Cierabaviec i Liza. Skrynšot sa staronki @liza_sma_sos
Biełarusy sabrali vializnyja hrošy na leki dla jašče adnoj dziaŭčynki z SMA
Minzdaroŭja raskazała, kolki dziaciej sa SMA ŭžo atrymali samy darahi ŭ śviecie preparat
U Biełarusi ŭpieršyniu zaćvierdzili pratakoł lačeńnia dziaciej sa SMA
Lačyć dziaciej sa SMA za košt srodkaŭ biudžetu nie atrymajecca — Minzdaroŭja