U Słucku mužčyna skinuŭ brachlivaha sabaku z čaćviortaha paviercha
Zastolle kampanii znajomych u Słucku, jakoje adbyłosia 4 krasavika, skončyłasia trahična dla sabaki adnoj z hościaŭ, paviedamlaje Śledčy kamitet.
16.04.2024 / 17:21
Zdymak ilustracyjny. Fota: Wikimedia Commons
Dziaŭčyna pryjšła ŭ hości sa svaim amierykanskim stafardšyrskim terjeram. Sabaka pavodziŭ siabie nieahresiŭna, ale ŭvieś čas brachaŭ.
U niejki momant adzin z mužčyn u kvatery, 37-hadovy žychar Uździenskaha rajona, paśpieŭšy dobra apjanieć, nie vytrymaŭ i prosta vykinuŭ žyviolinu z bałkona čaćviortaha paviercha.
Sabaka nie vyžyŭ, jon pamior pa darozie ŭ vietkliniku.
Na mužčynu zaviali kryminalnuju spravu za žorstkaje abychodžańnie z žyviołaj, heta č. 1 art. 339-1.
Mužčyna vykinuŭ dźviuch košak z 8-ha paviercha, bo ich haspadynia nie pajechała ź im adpačyvać
U Słonimie mužčyna špurnuŭ pratuchłuju kurycu z bałkona i paškodziŭ čužy aŭtamabil
U Vaŭkavysku dastali ščaniuka, jaki zaščamiŭ hałavu ŭ mietaličnym płocie