Polski inviestar sietki «Buślik» atrymaje kampiensacyju za stratu biznesu ŭ Biełarusi
Polskaja kampanija CDRL, jakoj u Biełarusi naležała sietka kramaŭ dziciačaha adzieńnia «Buślik», atrymaje bolš za 18 młn złotych (kala 4,5 młn dalaraŭ) ad strachavoj kampanii za stratu kantrolu nad svaim biełaruskim aktyvam. Pra heta havorycca ŭ paviedamleńni na sajcie inviestara.
16.04.2024 / 16:07
Fota: Jandeks. Karty
Akazvajecca, CDRL zastrachavała svaje biełaruskija inviestycyi ŭ kampanii KUKE S. A., a 15 krasavika tam pryznali vypadak z «Buślikam» strachavym. Jak paviedamlajuć infarmavanyja krynicy vydańnia Office Life, KUKE S. A. pahadziłasia ličyć jaho «palityčnaj ryzykaj».
Prysudžanaja kampiensacyja składaje 18 185 148 złotych, abo 90% ad sumy ŭkładzienych srodkaŭ, i źjaŭlajecca maksimalna mahčymaj sumaj kampiensacyi», — havorycca ŭ paviedamleńni inviestara.
Vypłata budzie praviedziena na praciahu niekalkich najbližejšych dzion.
Raniej źjaviłasia infarmacyja, što sietka «Buślik» u Biełarusi spyniła pracu ŭ kancy lutaha.
«Buślik» adlacieŭ: usie kramy kaliści najbujniejšaj sietki zakrylisia
Prajaśniŭsia dalejšy los kramaŭ «Buślik»
Što adbyvajecca z «Buślikam»? Biełaruskija sietki źjadajuć rasijanie