U Minsku za ŭdzieł u pratestach sudziać adrazu dźvie siamji
Siońnia ŭ sudzie Centralnaha rajona Minska pačynajecca sud pavodle artykuła 342 Kryminalnaha kodeksa. Pavodle jaho tradycyjna ludziej sudziać za ŭdzieł u mirnych schodach.
16.04.2024 / 13:22
Dźmitryj Karsiuk. Fota: 112.by
Hetym razam abvinavačanyja — adrazu piaciora čałaviek. Siarod ich, miarkujučy pa imionach pa baćku, — dva braty: Jaŭhien i Alaksandr Jurevičy. Taksama sudziać Alaksandru Jurevič. Razam ź imi pavodle hetaha ž artykuła abvinavačvajuć Anžaliku i Dzianisa Łahunoŭ, piša «Viasna».
Padrabiaznaści spravy nieviadomyja. Jaje razhladaje sudździa Dźmitryj Karsiuk, jaki viadomy ŭdziełam u palityčna matyvavanych kryminalnych spravach.
Tak, z 2020 hoda jon razhladzieŭ užo jak minimum 42 spravy pavodle art. 342 Kryminalnaha kodeksa.
Čaściej za ŭsio jon pryznačaje abvinavačanym «chatniuju chimiju», ale naprykład, asudziŭ palitviaźniaŭ Jahora Viaršynina, Daniłu Hančarova, Jaŭhiena Papakula da pazbaŭleńnia voli ŭ kałonii.
Žycharu Homiela za ŭdzieł u pratestach u 2020 hodzie dali dva hady kałonii strohaha režymu
Da palitźniavolenaj Paliny Šarenda-Panasiuk znoŭ nie puścili advakata
Palitviazień Siarhiej Sparyš skardzicca na adsutnaść miedycynskaj dapamohi