Nasta Kudasava. Žuraŭli paviartajucca, a ty — nie. Vierš
Paetka Nasta Kudasava apublikavała ŭ fejsbuku novy vierš.
13.04.2024 / 17:02
***
Žuraŭli paviartajucca, a ty — nie.
Ściśni dziubu, biaskryły biadak.
Pach ziamli nieadolna ŭspaminam tnie
I zavie, abrynajučy dach.
Vymiarać uračystaj chadoj pali,
Kratać hlebu tanklavaj nahoj
Prylatajuć svabodnyja žuraŭli,
A nie ty, niedarečny izhoj.
Ty zahnany by ŭ kut, ale biez kuta.
Adzinotu hłybiej udychni…
Moža, serca, jakoje ty kinuŭ tam,
Praraście z-pad apłakanych niŭ.
viasna 2024