Minpracy prapanavała biełarusam, jakija źjechali, płacić 29% ad dachodu dziela piensii. Ale dla hetaha treba pryjechać u Biełaruś
U viedamstvie rastłumačyli, ci ŭklučajecca ŭ piensijny staž praca za miažoj.
12.04.2024 / 11:36
Ministerstva pracy prapanavała biełarusam, jakija žyvuć i pracujuć za miažoj, samastojna płacić unioski ŭ Fond sacyjalnaj abarony nasielnictva dziela piensii.
U viedamstvie rastłumačyli, što hramadzianie, u jakich niama aficyjnaj pracy ŭ Biełarusi, mohuć vypłačvać 29% ad svajho dachodu na piensijnaje strachavańnie.
Adnak nie ŭsio tak prosta. Dla taho, kab atrymać mahčymaść płacić unioski ŭ FSAN, pryjdziecca pryjechać u Biełaruś i stać na ŭlik u rajonnym adździele terytaryjalnaha orhana Fondu sacyjalnaj abarony pa miescy žycharstva.
U Minpracy abiacajuć, što rabotniki FSAN na miescy rastłumačać, jakim čynam adbyvajecca apłata ŭnioskaŭ.