Rasijanie atakavali abjekty krytyčnaj infrastruktury ŭ Lvoŭskaj vobłaści i ŭ Adesie
Na Lvoŭščynie vojski RF udaryli kryłatymi rakietami pa abjekcie krytyčnaj infrastruktury, jaki byŭ metaj 24 i 29 sakavika, paviedamili ŭ AVA. Razburany administracyjny budynak, zahinuŭ mužčyna. Pad zavałami mohuć być ludzi, praciahvajecca razbor.
31.03.2024 / 10:14
U Adesie padzieńnie abłomkaŭ bieśpiłotnikaŭ vyklikali pažar na adnym z enierhaabjektaŭ. Niekalki nasielenych punktaŭ zastalisia bieź śviatła, paviedamili ŭ Siłach abarony Poŭdnia. Z-za abmiežavańnia padačy elektraenierhii časova spyniŭ pracu elektratranspart.
Kolkaść paranienych u vyniku ŭdaru pa Charkavu napiaredadni viečaram uzrasła da dvuch, udakładniŭ mer Ihar Cierachaŭ. Paškodžany šmatkvaterny dom i škoła.
Na Chiersonščynie nočču armija RF užyła balistyku i kiravanuju avijacyjnuju rakietu. Udaryli pa zakansiervavanym ahrapradpryjemstvie. Zahinułych i paranienych niama, paviedamili siły abarony poŭdnia.
Polšča padymała ŭ pavietra svaje źniščalniki praz rasijskija rakiety pablizu miažy, paviedamili ŭ apieratyŭnym kamandavańni hrupy Uzbrojenych sił Polščy.
Čytajcie taksama:
Zialenski raskazaŭ, jak Ukraina prymienić dalnabojnyja rakiety ATACMS
Zialenski zvolniŭ svajho daŭniaha siabra i biznes-partniora
Zialenski: Ukrainskim vojskam udałosia strymać rasijski nastup