Žychary paŭdniovaha ŭschodu Minska skardziacca na niepryjemny pach
U administracyi Leninskaha rajona stalicy dali tłumačeńni.
29.03.2024 / 15:18
Fota: Minsk-naviny
U apošnija dni žychary Łošycy, rajona Kamvolnaha kambinata, uskrainy Sierabranki abmiarkoŭvajuć na forumach niepryjemny pach i vyłučajuć roznyja viersii jaho pachodžańnia. Minsk-Naviny źviarnulisia pa kamientar da pieršaha namieśnika kiraŭnika administracyi Leninskaha rajona Valeryja Cimašenki.
— Pierš za ŭsio adznaču: nijakich avaryj na sistemach haspadarča-fiekalnaj kanalizacyi na terytoryi Leninskaha rajona nie adbyłosia. Najbolš vierahodnaja pryčyna — pačatak sielskahaspadarčych rabot u Minskim rajonie i ŭniasieńnie arhaničnych uhnajeńniaŭ na palach, raźmieščanych za Minskaj kalcavoj aŭtadarohaj z boku Łošycy. U apošnija dni viecier prynosić hetyja pachi ŭ žyłyja kvartały. Heta — časovyja niazručnaści, — paviedamiŭ V.Cimašenka.
Jon taksama źviarnuŭ uvahu na biezhruntoŭnaść adnoj ź viersij, što krynicaj niepryjemnaha pachu mohuć być ačyščalnyja zbudavańni, jakija znachodziacca na rekanstrukcyi kala vuł. Karziuki:
— Hetyja abjekty pryznačanyja dla ačystki i skidu ŭ reki abo vadaschovišča vyklučna daždžavoj vady.