Футбалістам зборнай Грузіі ўручаць ордэны Гонару за выхад на Еўра-2024
Прэм'ер-міністр Грузіі Іраклій Кабахідзэ паведаміў, што кожны футбаліст нацыянальнай каманды, якая ўпершыню ў сваёй гісторыі прабілася ў фінальную частку чэмпіянату Еўропы, атрымае ордэн Гонару
27.03.2024 / 13:00
«Асабіста я як фанат чакаў гэтага дня 30 гадоў, з 1994 года. І хлопцы падарылі нам самае вялікае шчасце. Гэтыя хлопцы — героі, і герояў трэба шанаваць. Гэта самыя ганаровыя людзі,і мы разам з Шалвай Папуашвілі (кіраўнік парламента) прынялі маленькае рашэнне: нашым хлапчукам ўручаць ордэн Гонару, кожнаму! — напісаў Кабахідзэ.
Учора зборная Грузіі ў фінале стыкавых матчаў перамагла па пенальці зборную Грэцыі 4:2 і ўпершыню ў сваёй гісторыі заваявала права гуляць на топ-турніры.
Чытайце таксама:
Грузія выйшла на чэмпіянат Еўропы па футболе. І гэта мегасенсацыя
Украіна прабілася на Еўра-2024, паваліўшы Ісландыю за 5 хвілін да канца матча