U Škłovie mužčyna pahražaŭ zarezać padletka, jaki nie daŭ jamu svoj telefon
U Škłovie pjany mužčyna pahražaŭ nažom nieznajomamu padletku, raskazali ŭ słužbie infarmacyi prakuratury Mahiloŭskaj vobłaści.
07.03.2024 / 19:42
Zdymak ilustracyjny
Kanflikt adbyŭsia na adnoj z vulic Škłova 28 kastryčnika 2023 hoda. Uviečary pobač z prypynkam hramadskaha transpartu pobač sa škołaj apynuŭsia mocna pjany 33-hadovy žychar Drybinskaha rajona. Mužčyna ŭbačyŭ hrupu padletkaŭ i skazaŭ, kab jamu dali mabilny telefon patelefanavać, ale chłopcy admovili pjanamu nieznajomcu.
Tady jon dastaŭ z kišeni nož i staŭ, razmachvajučy im, niecenzurna łajacca i pahražać adnamu z padletkaŭ. Toj paprasiŭ dapamohi ŭ adnaho ź minakoŭ i na miesca vyklikali milicyju.
Vyśvietliłasia, što padazravany raniej užo byŭ nieadnarazova sudzimy za złačynstvy suprać ułasnaści. Ciapier jamu inkryminavali asabliva złosnaje chulihanstva.
Na sudzie fihurant całkam pryznaŭ svaju vinu i zajaviŭ, što rabiŭ tak tamu, što byŭ pjany i razzłavaŭsia na toje, što jamu nie dali mabilny telefon. Mužčynu prysudzili da 3 hadoŭ kałonii va ŭmovach uzmocnienaha režymu. Akramia taho, jaho buduć lačyć ad chraničnaha ałkahalizmu.
Čytajcie taksama:
U Kamianieckim rajonie mužčyna ŭ svarcy parezaŭ ruku žoncy elektrapiłoj. Voś što vyrašyŭ sud
U Homieli sudzili piensijaniera, jaki paškodziŭ mašynu skarynkaj kavuna
Prysud dzietazabojcam sa Słucka pakinuli bieź źmienaŭ. Baćku rasstralajuć