Kala Łondana vypadkova znajšli ruiny staražytnaha horada
U Vialikabrytanii rabočyja padčas prakładki tunelaŭ pad nacyjanalnaj halerejaj Łondana vyjavili ruiny staražytnaha saksonskaha horada Łundenvika, jaki isnavaŭ u VII stahodździ. Jak akazałasia, heta pasielišča było našmat bolšym, čym mierkavali historyki, paviedamlaje sajt univiersiteckaha kaledža Łondana.
02.03.2024 / 16:26
Fota: ucl.ac.uk
«Vyjaŭlenyja nami dokazy dazvalajuć vykazać zdahadku, što haradski centr Łundenvika raspaŭsiudžvajecca dalej na zachad, čym pieršapačatkova mierkavałasia», — adznačyŭ kiraŭnik raskopak archieołah Styvien Uajt.
Paviedamlajecca, što archieołahi vyjavili tut mnostva śladoŭ čałaviečaj dziejnaści, uklučajučy ačah, słupy, kały, ravy i nasypy. Radyjevuhlarodnaje datavańnie zaśviedčyła, što ŭzrost znachodak datujecca pamiž 659 i 774 hadami.
Da Łundenvika na hetym miescy znachodziŭsia abniesieny ścianoj rymski horad Łandynium. U V stahodździ jaho zakinuli, adnak u nastupnyja stahodździ saksy zasnavali tut novaje pasielišča z handlovaj płoščaj i nabiarežnaj.
Čytajcie taksama:
U Danii znajšli załaty piarścionak, jakomu paŭtary tysiačy hadoŭ
Znachodki letašnich archieałahičnych raskopak na Miency dadajuć Minsku ŭzrostu
Vializnyja mohiłki kamiennaha vieku kala palarnaha kruha ździvili archieołahaŭ