У Гродне пачалі вырабляць копію літоўскага шакоціса
Вытворчасць тортаў пад брэндам King Cake запусцілі на Азёрскай шашы ў Гродне. Торты, падобныя да традыцыйнай літоўскай выпечкі шакоціс, гатуюць уручную і выпякаюць на адкрытым агні, паведамляе Hrodna Life.
28.02.2024 / 19:36
Торт King Cake. Крыніца: Instagram / king.cake_classic
Кожны слой торта запякаюць на адкрытым агні асобна — такім чынам робіцца да 20 слаёў. Захоўвацца ласунак можа да 30 сутак. Для ўпакоўкі выкарыстоўваюць экалагічныя матэрыялы на аснове цэлюлозы.
Прадукуе торт пад брэндам King Cake прадпрыемства «Белкандытар». Купіць яго цяпер можна ў гродзенскім гандлёвым доме «Баторыя». Кілаграмовы торт каштуе 38,19 рубля. Плануецца, што такія торты будуць прадаваць і ў іншых гандлёвых сетках горада.
Торт King Cake у краме «Баторыя». Крыніца: Instagram / king.cake_classic
Такога тыпу торт — характэрны для Гродзеншчыны. У Літве ён называецца шакоціс, у Польшчы сэнкач, а на Гродзеншчыне ёсць свой аналаг — банкуха, якую вырабляюць у Свіслацкім раёне. У 2019 годзе торт банкуху ўпісалі ў спіс нематэрыяльнай культурнай спадчыны Беларусі.
Чытайце таксама:
На «Мінскхлебпраме» сталі рабіць літоўскія шакоцісы